Та домэйн нэр бүртгүүлэх үедээ оруулсан эзэмшигчийн хаягийн мэдээллийг өөрчлөгдсөн тохиолдол бүрт нь байнга шинэчилж байх шаардлагатай. Энэхүү мэдээллийг үнэн зөв байлгаснаар та үйлчилгээнийхээ мэдээллийг өөрийн и-мэйлээр цаг тухайд нь шуурхай авах, төлбөр тооцоо, хугацааг хянах зэргээр домэйн нэрээ бусдад алдахгүйгээр найдвартай эзэмших боломжоо бүрэн хангана.

Бүртгэлийн мэдээллийг дараах зааврын дагуу шинэчилнэ.

Өөрийн эзэмшиж буй домэйн нэрийн эзэмшигчийн мэдээлэл үнэн зөв, гүйцэд байгаа эсэхийг хаягаар орж шалгана.
1. Өөрийн эзэмшиж буй домэйн нэрийн эзэмшигчийн мэдээлэл үнэн зөв, гүйцэд байгаа эсэхийг https://www.datacom.mn/home/whois.php хаягаар орж шалгана.
   
2. Мэдээлэл хуучирсан эсвэл алдаатай бол дараах аргаар мэдээллээ шинэчилнэ. Үүнд:
   

• https://www.datacom.mn хаягаар НЭВТРЭХ товч дээр даран хэрэглэгчийн панельдаа бүртгүүлсэн имэйл, нууц үгээ оруулан нэвтэрнэ. /Хэрэв нууц үгээ санахгүй байвал НЭВТРЭХ товч дээр даран нууц үг сэргээх холбоос дээр дарж, имэйлээр нууц үгээ сэргээж авна. Мөн та Датакомоос домэйн нэр аваагүй бол хэрэглэгчийн панелийн хаягийг тухайн рэсэллэр байгууллагаас авахыг анхаарна уу./
• Панельд нэвтэрсний дараа УДИРДЛАГЫН ТАЛБАР хэсгийн дээд хэсэгт байрлах цэснээс Миний үйлчилгээ болон Домэйн нэр товчийг дарахад таны домэйн болон дагалдах үйлчилгээнүүд гарч ирнэ.
  
• Мөн та панельд нэвтэрсний дараа УДИРДЛАГЫН ТАЛБАР хэсгийн баруун хэсэгт ТАНЫ МЭДЭЭЛЭЛ талбарын ШИНЭЧЛЭХ товчийг дарж орон, мэдээллээ шинэчилснээр таны мэдээлэл WHOIS домэйн нэрийн бүртгэлийн нээлттэй санд хадгалагдана.
  

Хэрэв Та манай үйлчилгээг ашиглах явцад ойлгомжгүй зүйл гарсан бол support@datacom.mn и-мэйл хаягаар хүсэлтээ илгээгээрэй. Хэрэглэгчид зөвлөх үйлчилгээний төв и-мэйлээр хүсэлтийг хүлээн авч ажлын 4 цагт багтаан таны хүсэлтэд хариу өгөх болно. Та Датаком дахь хэрэглэгчийн бүртгэлээрээ нэвтрэн орж Тусламжийн хүсэлт нээх товчийг даран холбогдох албыг сонгон хүсэлт гаргаж өөрт шаардлагатай мэдээлэл, тусламж зөвлөгөөг авч болно.

Утсаар холбогдохыг хүсвэл 7000 0505 утсаар үйлчилгээний менежерт хандана уу.

Ажлын өдрүүдээр 9.00-18.00 цагт танд нээлттэй үйлчилнэ.

Устгалын ангилалт байгаа домэйн нэрийг нэмэлт 240'000₮ төлөөд сэргээж болно, устаад системээс гарсан домэйн нэрийг шинээр бүртгүүлж авч болно.

Та www.webcity.mn сайтад бүртгүүлэн өөрт шаардлагатай хуудас болон сайтыг бүтээж домэйн нэртэйгээ холбох боломжтой.